Улуттук Банк мамлекеттин бюджетин колдоо үчүн 2,5 млрд сом жөнөтөт

Улуттук банк жакынкы айларда өлкөнүн экономикасын колдоого 5 млрд 250 млн сом бөлөт. Бул тууралуу аталган банктын төрагасы Толкунбек Абдыгулов билдирди.

Төрага өлкө экономикасын колдоо Президенттин тапшырмасы боюнча ишке ашып жатканын маалымдады.

Антикризистик пландын алкагында көрсөтүлгөн каражаттар:

• 1 млрд сом айланма капиталга;
• 1,5 млрд сом айыл чарбасын каржылоого;
• 1 млрд сом микрокредиттик компанияларга;
• 750 млн сом (“Керемет Банк” аркылуу) орто жана чакан бизнести колдоого;
• 1 млрд сом Кепилдик фондунун уставдык фондун көбөйтүүгө бөлүнөт.

“Ошондой эле Президент Улуттук банктын 2019-жылдын жыйынтыгы боюнча 2,5 млрд сом өлчөмүндө 100% кирешесин мамлекеттик бюджетти колдоого жөнөтүүнү тапшырды. Алардын ичинен 10%ы өлкөнүн каржы секторун колдоого резервдөөгө жумшалат”, – деп белгиледи Улуттук Банктын төрагасы Толкунбек Абдыгулов.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.