Тажикстандагы ооган качкындары жергиликтүү эл менен аралашууга аракет кылууда

Тажикстанда 12 миңден ашуун ооган качкыны жашайт. Алардын көбү батыш өлкөлөрүнө жер которууга үмүттөнүшкөн. Бирок тилектери орундала элек.

Азыр бул кишилер жергиликтүү эл менен аралашып жашоого аракет кылууда. Бул үчүн качкындар борбору аркылуу кесипке ээ болуп, тил үйрөнүү керек.

Үчүнчү өлкөгө чыгып кетүүнү пландаган 12 миңден ашуун ооган качкындарынын көбү Тажикстанга талибдер өлкөнү басып алганга чейин эле келишкен. Бирок батыш өлкөлөрүнө кетүү оңой эмес. Маселен, мамлекеттик программа менен Канадага жер которуу үчүн ал жерден мекендеш табуу керек. Алар жол кирени төлөөгө жана качкын үй-бүлөнү бир жыл камсыздоого кудуреттүү болууга тийиш. Мындай адамдарды табуу бир канча жылды талап кылууда. Бул аралыкта качкындарды окутуу борборлору кесип үйрөнүүгө гана эмес, чет тил үйрөнүүгө да мүмкүндүк берүүдө.

Качкындар үчүн окуу борбору БУУнун көмөгү менен иштеп жатат. Алар бекер билим алууга гана мүмкүндүк бербестен, качкындардын бири-бири менен жолушушуп, баарлашуусуна да шарт түзүүдө.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.