Прокуратура: Электр тармактары ишканасынын кызматкери пара менен кармалды

Өзгөн районунда электр тармактары ишканасынын кызматкери пара менен кармалды. Бул туурасында Башкы прокуртуранын маалымат кызматы билдирди.

Маалыматка ылайык, Өзгөн районунун Кара-Дыйкан айылынын тургуну Н.С. райондун прокуратурасына арыз менен кайрылып, анда райондук электр тармактары ишканасынын (РЭС) кызматкерлери электр энергиясын пайдалануу эрежелерин бузгандыгы үчүн негизсиз акт түзүшүп, укук бузуу боюнча жазадан бошотуу үчүн пара талап кылып жатканын билдирген.

Жүргүзүлгөн ыкчам-тергөө аракеттеринин жыйынтыгында райондук электр тармактары ишканасынын кызматкери Р.А.Т. арыз ээси Н.С. аттуу жарандан опузалап талап кылган акча каражатын алып жаткан жеринен кармалып, Өзгөн райондук ички иштер бөлүмүнүн убактылуу кармоочу жайына киргизилди.

Бул факты боюнча райондук прокуратура тарабынан Кылмыш-жаза кодексинин 343-беренеси (“Опузалап пара алуу”) менен кылмыш иш козголгон.

Учурда тергөө амалдары жүргүзүлүүдө.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.