Ошто жазгы талаа иштери карантиндик талаптарды сактоо менен жүргүзүлүүдө

Ош облусунун Араван, Өзгөн райондорунда жазгы талаа иштери карантиндик талаптарды сактоо менен жүргүзүлүүдө. Бул тууралуу Өкмөттүн аталган облустагы өкүлүнүн басма сөз кызматы кабарлады.

Ош облусунун башчысы Узарбек Жылкыбаев облустун экономикалык, азык- түлүк жетишпестигин алдын алуу үчүн дыйканчылык иштерин токтотпой жүргүзүү тапшырмасын койгон.

Азык-түлүк жетиштүү. Элибизди толугу менен камсыз кылабыз жана мурдагыдай эле кошуна Казакстан, Орусияга экспорттойбуз”, – деди облус башчысы.

Өзгөн районунунда дыйкандар үчүн Чүй облусунан алынып келинген буудай, жүгөрү, арпа үрөндөрү “Тамеки” айыл чарба кооперативинде, “Алтын-Дан”, “Ак-Эмгек” үрөнчүлүк чарбаларында жана “Аталык” акционердик коомунда сатылып жатат.

Ал эми Араван районунда дыйкандар биринчи түшүмдү алууга жетишишти.