Ошто Ооган согушунун ардагерлери эскерилди. Фото

Бүгүн, 15-февралда Ош шаарында  советтик аскерлердин Ооган жергесинен чыгарылгандыгынын 30 жылдыгы белгиленип, ардагерлер сыйланды.

 Иш чарага,  Ош шаарынын вице-мэри, шаардык кеңештин депутаттары жана Ооган согушунун ардагерлери катышты. Майрамдык иш чаранын жүрүшүндө ардагерлерге  алкыш баракчалар жана акчалай сыйлыктар тапшырылды. Кайтпай калган жоокерлердин жакындарына да материалдык жардам көрсөтүлдү.

Маалым болгондой,  1983-жылдан тарта Ооган согушунун катышуучуларына 6 миң сомдон жөлөк пул бериле баштаган. Советтер Союз кулагандан кийин да бул жардам сакталып калган. Азыркы тапта, ар бир ардагерге ай сайын 6 миң сомдон, майып болгондорго 7 миң сомдон жөлөк пул берилип турат. Кайтпай калган жоокерлердин үй-бүлөсүнө 1000 сомдон жардам көрсөтүлөт.

Учурда калаада 396 ардагер бар. Жалпысынан Ооган согушуна Ош облусунан 4,5 миң жоокер кеткен.

 

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.