Ош: Бабур театрына Өзбекстан заманбап жабдууларды алып берди

Оштогу Бабур театры жаңы жабдуулар менен толукталды. Эмеректерди  коңшу  Өзбекстан мамлекети белек кылып берген. Анда заманбап декорация,15-кылымдарга таандык кийимдер, 50гө жакын персонаждар бар.

Жабдуулардын баасы 2 млн 24 миң сомду түзгөн.

“Муну менен театрдын бүт муктаждыктары камсыздалды. Учурда Бабур Мирзо тууралуу спектаклди элге тартуулоого даярдык көрүлүп жатат”, – деди Бабур атындагы өзбек драма театрынын директору Набижан Мамажонов.

Эске салсак, өткөн жылы  Өзбекстандын 140 адамдан турган делегациясы Ошко келген.  Анда Өзбекстандын  вице-премьер-министр Адхам Икрамов  Ош шаарындагы Бабур театрына 50 миң доллар жардам берээрин билдирген эле.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.