Финпол: дарыларды дүңүнөн алып, кайра кымбат баада саткандар кармалды

Экономикалык кылмыштарга каршы күрөш боюнча мамлекеттик кызмат (Финансы полициясы) дары-дармектерди, медициналык каражаттарды дүңүнөн сатып алып, кайра кымбат баада сатып жаткандар кармалганын маалымдады. Аларда дары сатууга уруксат берген документтери болгон эмес.

“Азаттык” кабарлагандай, Финансы полициясы ыкчам иш-аракеттердин алкагында шаардын бир нече жеринде клексан дарысын 8 миң сомдон 14 миң сомго чейин сатып жаткан фактыларды аныктаган. Алып-сатарлардын иш аракети боюнча сотко чейинки тергөө башталды.

Финполиция дары-дармектерди дүңүнөн сатып алып, кайра кымбат баада сатып жаткандарга чара көрүп жатканын эскертти.

Коронавирус күчөп турган кезде Кыргызстанда дары-дармектин баасы көтөрүлүп, айрымдары табылбай жатат. Көпчүлүк адамдар канды суюлтуучу антикоагулянттарга, антибиотиктерге жана вируска каршы дарыларга муктаж болууда. Мындан улам шаардагы дарыканаларда узун кезек пайда болду.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.