ЫНТЫМАК

Өлкөдө калкты көмүр менен камсыздоо 15 -сентябрда башталат. Бул тууралуу “Кыргызкөмүр” мамлекеттик ишканасынан билдиришти.

Компаниянын маалыматы боюнча, республика боюнча 758 көмүр кампасы ачылган.

Кара-Кечи көмүрүнүн баасы мурдагы жылдардагыдай эле 1330 сом. Сатуунун баа саясатын монополияга каршы мамлекеттик агенттиги жүргүзөт.

Жалпысынан Кыргызстан 3 миллион тоннадан ашык көмүргө муктаж (ЖЭБ, калк, мамлекеттик органдар), анын ичинде:

• бюджеттик уюмдар – 242 333 миң тонна;
• калкка- 1 миллион 125 миң тонна.

ЖЭБ – 1 миллион 650 миң тонна, анын ичинде:

• “Кабак” бассейнинен – ​​950 миң тонна;
• Таш -Көмүр кенинен – ​​50 миң тонна;
• Казакстандан – 650 миң тонна көмүр.

Өлкө боюнча көмүр казуучу 70тен ашуун компания иштейт, анын ичинен 41и толук кандуу иштеп жатат.

Ыкчам маалыматтарга караганда, акыркы 8 айда өлкөдө 1 337 346 тонна көмүр өндүрүлгөн.

• түндүк региондо – 452 265 миң тонна;
• түштүк региондо – 885 079 миң тонна;

Белгилей кетсек, күз-кыш мезгилине даярдоо башталгандан бери күйүүчү майдын баасынын туруксуздугуна, атмосфералык жаан-чачынга жана башка себептерге байланыштуу, артта калуулар болгон жана Кара-Кечеде тоо-кен иштеринин көлөмү көбөйгөн, буга байланыштуу кошумча жабдуулар бул көйгөйлөрдү жоюу үчүн өзгөчө кырдаалдар министрлигинен которулган.