Жалал-Абаддын сейил багы 3 жылдан бери оңдолуп бүтө элек

Жалал-Абад шаарынын Барпы-сейил көчөсүндөгү аллеянын реконструкциясы 3 жылдан бери жандана элек. Ал эми курулуш жүргөн 30% жери да таштандыга толуп, бузула баштаган. Курулуштун жалпы сметалык баасы 6,2 млн сомду түзгөн. Анын 4 миллион сому 2016-жылы шаар бюджетинен бөлүнмөй болгон. Жыл аяктап калган үчүн каржы ажыратуу 2017-жылга жылдырылган.

Аллеяны реконструкциялоо иши  Барпы Алыкуловдун 130 жылдыгына карата 2016-жылы башталган. Азыркы тапта аллеяда бир жарым миллион сомдук иш аткарылган. Ал жумуштун жалпы көлөмүнүн 30%ын гана түзөт. Бул жылы жайында бүткөрүлөт деп тешелүү кызмат убада кылууда.

Аллея 60 сотых аянтты ээлеп, 1997-жылы түптөлгөн. Андан бери эч кандай оңдоп-түзөө иштери жүргөн эмес. Быйыл аны толук бүткөрүү максатында Жалал-Абад мэриясы бюджеттен 1,3 млн сом бөлгөн. Ал кошумчаланып, тендерде көрсөтүлгөн 5,2 млн сом толук ажыратылды.

Тийштүү кызматтан кошумчалашкандай, бул жайда оргумалар, отургучтар курулуп, айлана жарыктандырылат жана шибер чөп төшөлөт.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.