Жагымсыз жагдайларды биз менен бирге алдын алыңыз!

2019-жылы Орозбеков-Щербаков көчөлөрүнүн кесилишинде Honda Stream жана Mercedes-Benz Sprinter үлгүсүндөгү унаалар сүзүштү. Жыйынтыгында айдоочулар жаракат алып, унаалар  оңдоп-түзөөгө муктаж болду. Honda Stream үлгүсүндөгү унаа буга чейин камсыздандырылгандыктан, камсыздандыруучу компания эки тараптын чыгымдарын толук түрдө жапкан.

«Спринтердин ремонту 91 миң сомду түздү, ал эми «Хонданы» калыбына келтирүү  иштери 103,5 миң сомду чапчыды. Мындан тышкары, биз экспертиза кызматтарына 2 миң сом төлөп бердик», — деп билдирди камсыздандыруучу компаниянын чыгымдарды жөнгө салуучу адиси Эсеналиев Эрмек, — ал эми кырсыктын кесепетинен келип чыккан жалпы чыгым 196,5 миң сомду түздү (2,8 миң доллар).  «Эске салсак, “Хонданын” айдоочусу камсыздандыруу полисин болгону  10,5 миң сомго алган эле», – деди ал.

 

Камсыздандыруу кимге керек?

Жыл сайын «АЮ Гарант» камсыздандыруу компаниясы кардарларына ондогон миллион сом каражат төлөп келет. Кыргызстандыктар көбүн эсе унаасын, ал эми кыймылсыз мүлкүн сейрегирээк камсыздандырат. Мындан тышкары, компаниянын кардарларынын катарын чет өлкөгө чыгып жаткан жарандарыбыз, жүргүнчү жана кооптуу жүк ташыган айдоочулар, кооптуу өндүрүш объектилери бар ишканалар толуктайт. Мыйзам боюнча аталган жарандар милдеттүү түрдө камсыздандыруу полисин алышы керек.

«Ири компаниялар көбүн эсе полистерди кызматкерлерине алып берет. Мындай кадам жумуш берүүчү менен кызматкерлердин арасындагы ишенимди бекемдеп, кызматкердин компанияга болгон берилгендигин арттырат, — дейт «АЮ Гарант» камсыздандыруу компаниясынын Башкармасынын Төрагасы Санжар Давлеталиев, — учурда бир нече милдеттендирилген камсыздандыруунун түрү бар, бирок, тилекке каршы, учурда камсыздандыруу маданияты эл арасында кеңири жайыла элек.

Санжар Давлеталиев, «АЮ Гарант» камсыздандыруу компаниясынын Башкармасынын Төрагасы

 

Ишенимдүү кепилдик

«Биздин компания 2012-жылдын этегинде каттоодон өтүп, 2013-жылдан тарта толук кандуу иштеп баштады. Жыл сайын анын негизги көрсөткүчтөрү өсүүдө. Бүгүнкү күндө 10 миңден ашуун кардарларыбыз бар», — дейт Санжар Давлеталиев, — учурда эки күндүн биринде камсызандырылган жарандарыбызга каражат төлөп турабыз».

«Алгачкы жылы эле 2,7 млн сом жыйнадык, ал эми 2019-жылы андан дээрлик 30 эсе көп — 77,4 млн сом топтолду. Демек, аны менен кошо төлөмдөрдүн суммасы да жылдан жылга өсүүдө. 2019 – жылы камсыздандырылган кардарларга 29,8 млн сомдук чыгымдарын жаап бердик. Белгилей кетсем, «АЮ Гарант» компаниясы бизнесмен Шаршенбек Абдыкеримов негиздеген «АЮ Холдинг» ассоциациясынын курамына кирет».

«Намба Такси» жоопкерчилиги чектелген коомунун жетекчиси Улукман Карабукаев «АЮ Гарант» компаниясынын кызматтары менен эки жылдан бери колдонуп келет. Анын айтымында «Намба Такси» кызматы үчүн жүргүнчүлөр менен айдоочулардын коопсуздугу алгачкы орунда турат.

Улукман Карабукаев, «Намба Такси» ЖЧКсынын жетекчиси

 

«Биз алгач унааларыбызды камсыздандыруу үчүн ишенимдүү өнөктөш издедик. Баасы жеткиликтүү, кардарлардын абалын түшүнгөн жана баштапкы келишимдин шарттарын жазбай аткарган өнөктөш керек эле. Өлкөдөгү камсыздандыруу компаниялардын шарттарын изилдеп, алардын кардарлары менен сүйлөшүп көрдүк, — дейт Карабукаев, — жыйынтыгында «АЮ Гарант» компаниясына токтолдук.

«Биз өнөктөшүбүздүн кардарларга болгон мамилесин, тейлөөсүн, келишимди жазбай аткарышын баса белгилейбиз. «АЮ Гарант» менен алгач иштеп баштаганда эле кызматкерлерибиз компаниянын тейлөө сапатына эң жогорку баа берген».

Карабукаевдин айтымында «Намба Такси» ЖЧКсынын көпчүлүк унаасы учурда «АЮ Гарант» компаниясында камсыздандырылган, демек, жүргүнчүлөрдүн, айдоочулардын жана жалпы «Намба такси» кызматынын коопсуздугуна кам саноонун кажети жок.

Болгону 7 жыл ичинде “АЮ Гарант” мамлекеттин казынасына 19 млн сом өлчөмүндө салык төлөгөн. «Жергиликтүү камсыздандыруу компаниялардын ичинен биздин уставдык капитал эң көп. Бүгүнкү күндө анын өлчөмү 400 млн сомду түзөт», —  дейт Давлеталиев, — компания иштеп баштагандан тарта бир да жолу кардарларыбыз тарабынан доо арыз болгон жок, себеби, биз өз милдеттерибизди так аткарабыз.

“Компаниянын кызматкерлери окуя (кырсык) болгон жерге күн-түн дебей ыкчам барат. Кардарлар бизден ар дайым юридикалык консультация алып турат — камсыздандыруу полисин алуу максатында бизге кайрылган убактан тарта, кырсыктын кесепетинен биз аркылуу өз чыгымдарын жапкан убакка чейин кызматкерлер коштоп турат”.

 

 “АЮ Гарант” камсыздандыруу компаниясы. Биздин кепилдик — сиздин бейпилдик!

 

Компаниянын расмий сайтыhttp://agi.kg/

Биз менен байланышыңыз: +996 (312) 29 90 09; +996 (776) 29 90 09; 1206

Биз социалдык тармактарда:

Facebook:https://www.facebook.com/Ayugarant/?ref=bookmarks

Instagram:https://www.instagram.com/ayugarant/

Youtube:https://www.youtube.com/channel/UC7hNDRZ_XBwlGwcXLfbMHvg

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.