Өзбекстан: жарандардын өз эсебинен мейманканаларга карантинге жайгашуусуна уруксат берилди

Коронавируска каршы күрөшүү боюнча атайын комиссиянын чечимине ылайык, Өзбекстанга санитардык-эпидемиологиялык абал оор болуп турган өлкөлөрдөн келген жарандар акча төлөп, мейманканаларга 14 күндүк карантинге жайгашса болот.

Жарандарды кабыл ала турган мейманканалардын тизмесин Туризмди өнүктүрүү боюнча мамлекеттик комитет менен Санитардык-эпидемиологиялык саламаттык агенттиги түзөт.

Мындан тышкары атайын комиссиянын чечими менен өлкөдөгү санитардык-эпидемиологиялык көзөмөлдү күчөтүү боюнча жаңы чаралар киргизилди. Ага ылайык, эпидемиологиялык коопсуздуктун «кызыл» деңгээли киргизилген Ташкенттеги маалелер жабылып, көчөлөрдүн кесилиштерине блокпосттор коюлат.

Тажикстанда бейтаптын өлүмүнөн кийин дарыгер катуу сабалды

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген