Өзбекстан медициналык максатта кара куурай өстүрөт

Өзбекстан медициналык максатта кара куурай өстүрүп, колдонуу үчүн мальталык компания менен келишим түздү. Мальтанын “Мелабис” компаниясы менен түзүлгөн келишимге ылайык, кара куурай Сырдарыя облусунун Сардаба районундагы 3000 гектар жерде өстүрүлөт. Бул тууралуу 26-ноябрда Өзбекстандын маалымат каражаттары өкмөткө таянып жазышты.

“УзА” маалымат агенттиги кабарлагандай, өндүрүлгөн продукция негизинен чет өлкөлөргө экспортко кетет. Ошондой эле бул долбоорду ишке ашыруу максатында алгач 33 миллион доллар көлөмүндөгү инвестиция салынат.

Сырдарыя облусунда жогорку технологиялык завод жана продукцияны иштеп чыгаруу үчүн тиешелүү лабораториялар курулат. Бул үчүн жүздөй жаңы жумушчу орун пайда болот деп болжолдонууда.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген