«Узбекнефтегаз» Кытайга 16 миллион доллар карыз

«Узбекнефтегаз» компаниясы Кытайдын мамлекеттик China Petroleum Technology & Development Corporation (CPTDC) компаниясына 16 млн доллардан ашык карыз болду.

Кытай тарап тараткан билдирүүдө «Узбекнефтегаз» жети келишим боюнча карыз экени айтылат. Компания каражаттын жоктугун жүйө келтирип, береселерин төкпөй келет. Бирок CPTDC бул жөн гана шылтоо экенин, 10 жылдан берки карызды кайтаруу үчүн Өзбекстан президентине кайрылууга аргасыз болгонун билдирген.

2017-жылы 20-декабрда өткөн сүйлөшүүлөрдө «Узбекнефтегаз» CPTDC компаниясына 2018-жылдын 31-октябрына чейин 12 миллион доллар өлчөмүндө карызын төлөөгө убада берген. Калган сумма 2019-жылы кайтарылмак. Бирок бүгүнкү күнгө чейин «Узбекнефтегаз» кытай компаниясына 100 миң доллар гана төлөп берди.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген