УКМК «Айыл Банктын» ири өлчөмдөгү кредиттерди мыйзамсыз берүү фактыларын аныктады

«Айыл Банктын» коррупция фактысы боюнча иликтөө иштери башталды. Бул тууралуу УКМКнын басма сөз кызматы билдирүү таратты.

Анда маалымдалгандай, президент Садыр Жапаровдун Коопсуздук кеңешинин жыйынында айтылган тапшырмасына ылайык, УКМК 100 пайыз акциясы мамлекетке тиешелүү болгон «Айыл Банктын» ишмердүүлүгүнүн ар кандай чөйрөлөрүндөгү коррупциялык көрүнүштөрдү текшерди.

Текшерүүнүн жыйынтыгында, «Айыл Банк» тарабынан айрым компанияларга өтүмсүз мүлктү күрөөгө коюу боюнча ири өлчөмдөгү кредиттерди мыйзамсыз жана туура эмес бөлүп берүү фактылары боюнча маалыматтар тастыкталды.

Мындан тышкары, аталган насыялар калктын социалдык жактан аялуу катмарына, ошондой эле дыйканчылыкты жана мал чарбачылыгын өнүктүрүүгө багытталганы, чындыгында бул кредиттердин банкка төлөмдөр боюнча чоң карызы бар экендиги аныкталды.

Буга байланыштуу УКМК тарабынан Кылмыш-жаза кодексинин 319-беренесинин 1-бөлүгү («Коррупция») боюнча сотко чейинки өндүрүш иши башталып, анын алкагында тергөө тарабынан, жасалган кылмыштын бардык жагдайларын аныктоого багытталган тергөө аракеттери жүргүзүлүүдө.

Көрсөтүлгөн сотко чейинки өндүрүштү иликтөөнүн жыйынтыгы боюнча «Айыл Банк» ААКтын жооптуу адамдарынын жана башка жактардын аракеттерине юридикалык баа берилип, бул тууралуу коомчулукка кошумча маалымат берилмекчи.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.