Ташкентте 35 ЖОЖ, 132 мектеп жана 22 бала бакча карантинге жабылды

Ташкентте коронавирус пандемиясына байланыштуу 35 жогорку окуу жай (ЖОЖ) эки жумалык карантинге жабылды. Бул тууралуу шаардык Санитардык-эпидемиологиялык жыргалчылык жана коомдук саламаттык сактоо башкармалыгынын өкүлү Нодира Султонмуродова билдирди.

Анын айтымында, мындан тышкары 15 атайын билим берүү мекемеси, 132 мектеп, 22 бала бакча, үч дарылоо-профилактикалык мекеме жана эки кызмат көрсөтүү объектиси да 14 күнгө жабылды.

Султонмуродова Ташкентте күн сайын COVID-19ду аныктоо боюнча 8 миңге чейин лабораториялык тест өткөрүлүп, алардын 2,5-3,5% тастыкталып жатканын кошумчалады.

Буга чейин Ташкент облусундагы жана Самарканд шаарындагы мектептер менен бала бакчалар карантинге жабылганы кабарланган.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.