Сыймык Жапыкеев генерал-майор наамын алганын жарыялады

Мурдагы Экономикалык кылмыштарга каршы күрөшүү боюнча мамлекеттик кызматтын (Финансы полициясы) мурдагы жетекчиси Сыймык Жапыкеев Каржы полициясынын генерал-майору болгонун билдирди.

Бүгүн, 12-мартта ал «Фейсбуктагы» баракчасына «Президентке чоң рахмат» деп жазып, президенттин Каржы полициясынын генерал-майору деген кезектеги атайын наамды ыйгаруу тууралуу жарлыгы 4-мартта чыкканын жарыялады.

Жапыкеев буга чейин полковник наамында болчу.

12-февралда өкмөттүн жаңы түзүмү боюнча жарыяланган токтомунда Финансы полициясы ушундай эле аталыш менен калары, бирок Экономика жана финансы министрлигинин карамагында болору жазылган.

5-мартта өкмөттүн Финполду жоюу тууралуу чечими кабыл алынганы маалым болгон.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.