Шри-Ланкадагы табият кырсыгы адам өмүрүн алды

Шри-Ланкада суу ташкынынан 150дөн ашуун киши каза болуп, 111 адам дайынсыз жоголду. Кырсык болгон аймактардан 500 миңдей жашоочу эвакуацияланып, дайынсыз болуп жаткандарды издөө иштери жүргүзүлүп жатат.

Адистердин айтымында, Шри-Ланкага 14 жылдан бери мындай катуу жаан жаай элек болчу. Метеорологдор жакынкы күндөрү нөшөрлөп жаткан жамкыр басаңдабашын да билдиришүүдө. Эскерте кетсек, өлкөдө 2003-жылы катуу жаандан суу ташкындап, бир топ кыйроолорду алып келген эле.

Андагы кырсыктан 250 киши каза болуп, 10 миңден ашуун турак-жай суу алдында калган. Бүгүнкү күндө суу каптаган аймактарда куткаруучулар тобу иш алып барышууда. Өлкө бийлиги табият кырсыгынын кесепеттерин жоюу үчүн БУУна жана Түштүк Азия өлкөлөрүнө жардам сурап кайрылды.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.