Президент премьер- министрди отставкага кетирүү чечимин кабыл алды

Президент Сооронбай Жээнбеков өкмөттү отставкага кетирүү чечимин чыгарды. Бул тууралуу президенттин басма сөз кызматы билдирди. Маалыматта тиешелүү жарлыкка өлкө башчы кол койгону айтылган.

Жарлыкка ылайык, премьер-министр, вице-премьер-министр, өкмөт мүчөлөрү кызматтарын ээлеген адамдар жаңы өкмөттүн курамы түзүлмөйүнчө милдеттерин аткарып турушат. Жарлык кол койгон күндөн тарта күчүнө кирет.

Бүгүн, 19-апрелде Жогорку Кеңеш өкмөткө ишеним көрсөтпөө боюнча чечим кабыл алган. Учурда премьер-министрлик кызматка үч талапкердин аттары аталууда.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген