Президент: Бардык ийгиликтерге эмгек менен гана жеткен коомбуз!

КРнын Сооронбай Жээнбеков кыргызстандыктарды 1-Май — Эмгек майрамы менен куттуктады.

Мамлекет башчысынын куттуктоосун өзгөртүүсүз беребиз:

«Урматтуу мекендештерим!

Сиздерди 1-Май — Эмгек майрамы менен куттуктайм!

Биз бардык ийгиликтерге талыкпаган эмгек менен гана ээ болгон коомбуз.

Өлкөбүздүн өнүгүүсү, бүгүнкүсү жана келечеги — табигый ресурстарга, жаратылыш байлыгына гана эмес, эмгек адамынын аракетине негизделген.

Биздин мамлекетибизде адам ресурсун өнүктүрүү, эмгек адамын даңазалоо — ар дайым маанилүү багыт бойдон кала берет.

Жалпы дүйнө жүзү боюнча ишмердүүлүк кыскарган азыркы учурда, эмгектин баркы, эмгек менен гана жашообуз мазмундуу экени дагы бир ирет даана көрүндү.

Замандын жаңы талаптарына татыктуу жооп бере алган коомду, өнүккөн мамлекетти куруу үчүн бирге аракет жасап, чогуу эмгек кылалы.

Бардык мекендештериме ден соолук, бакты-таалай, ийгиликтерди каалайм! 

Жараткан Кудайым колдоп, ар дайым элибизде биримдик, Кыргызстаныбызда тынчтык болсун!»

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.