Ошто мектептерде берилип жаткан ысык жана шашке тамактар текшерилип жатат

19-октябрда Ош шаарынын вице-мэри Венера Рыскулова мэриянын саламаттык сактоо тармагын башкаруу боюнча координациялык кеңешинин мүчөлөрү менен биргеликте мектептерге жана кондитердик таттуулар менен камсыздап жаткан цехтерге барып жеринен көрүп, текшерди.

Ош шаардык мэриясынын басма сөз кызматы билдиргендей, бир жума мурун текшерүүгө барган вице-мэр окуучулар жеп жаткан таттуулардын салмагы 55-60 грамм гана болгондугуна күбө болгон. Бирок Ош шаарында шашке тамак менен берилген таттуулардын салмагы 80 грамм болушу шарт.

Вице-мэр бардык тийиштүү жетекчилерге тапшырмаларды берип, айрым маселелер дагы да чечиле электигин белгиледи.

Мындан тышкары, ашканалардагы, цехтердеги санитардык тазалык, өрт коопсуздугуна каршы эрежелерди сактоо тартиби, жумушчуларга түзүлгөн шарттар каралып, көпчүлүгүнө эскертүүлөрдү берди.

Ош шаарынын мэриясынын саламаттык сактоо тармагын башкаруу боюнча координациялык кеңешинин мүчөлөрү шаар башчысынын тапшырмасынын негизинде 1-4-класстарга берилүүчү ысык жана шашке тамактарын текшерип, мониторинг жүргүзөт.

Текшерүүлөр шаар боюнча мектептерде болот.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.