Месси алтынчы ирээт «Алтын топту» алды Видео

Аргентиналык Лионел Месси “France football” журналынын жыйынтыгы боюнча “Алтын топко” талапкерлердин арасынан эң көп добуш алган футболчу болду. Добуш берүүнүн жыйынтыгы менен Месси биринчи орунга чыккан.

Экинчи орунга “Ливерпулдун” коргоочусу, нидерландиялык Виржил ван Дейк жайгашты. Ал эми үчүнчү орунду португалиялык Криштиану Роналдуга ыйгарышты.

Лионел Месси ушуну менен алтынчы ирет “Алтын топту” жеңүүдө. Буга чейин ал 2009, 2010, 2011, 2012 жана 2015-жылдары дүйнөнүн “мыкты оюнчусу” аталган.

Жылдын мыкты футболчусуна бериле турган “Алтын топ” сыйлыгы 1956-жылдан бери ыйгарылып келет. Алгач бул сыйлык европалык оюнчуларга гана берилчү. 1995-жылдан тарта Европа клубдарында ойногон оюнчуларга бериле баштаган. 2007-жылдан баштап бул сыйлык бардыгына берилип келет.

Булак: Азаттык

Фото: @FCBarcelona

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген