Марипов: Токиодогу паралимпиадалык оюндарда ата мекендик спортчулардын жеңишине бүт өлкө ишенет

Министрлер кабинетинин төрагасы Улукбек Марипов Кыргызстандын Паралимпиадалык курама командасын кабыл алды. Бул тууралуу министрлер кабинетинин басма сөз кызматынан кабарлашты.

Анда министрлер кабинетинин башчысы спортчуларга ийгиликтүү катышууну жана жаңы жеңиштерди каалап, төмөнкү сөздөрдү айтты:

«Спорт адамдарды бириктирет, эркти чындайт жана бардык тоскоолдуктарды жеңүүгө жардам берет. Спорттук жыйынтыктарыңыздар менен сиздер кандай гана кыйынчылык болбосун жеңе алаарыңыздарды далилдедиңиздер, жеке үлгүңүздөр менен, сиздер эрктин жана коюлган максатка умтулуу эмне экенин көрсөттүңүздөр. Алдыда боло турган Паралимпиадалык оюндарда бүтүндөй кыргыз эли сиздерди колдойт. Ийгиликтүү катышыңыздар», – деди Улукбек Марипов  жана Паралимпиадалык команданын мүчөсү Арыстанбек Базаркуловго Кыргыз Республикасынын желегин тапшырды. 

Эске салсак, 2021-жылдын 24-августунан тартып 5 -сентябрына чейин XVI Паралимпиадалык оюндар Токиодо өтөт. 

Ата мекендик спортчулардын арасында алдыдагы мелдештерге лицензияларды эки адам утуп алды: пара-жеңил атлетика боюнча (ок атуу) Арыстанбек Базаркулов жана азиз спортчулар арасында пара-дзюдо боюнча 57 килограммга чейинки салмакта Хайитхон Хусан кызы.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.