Мамлекеттик ипотекалык компания президент Садыр Жапаровдун мурдагы үйүн сатыкка койду

“Мамлекеттик ипотекалык компания” ААК Бишкек шаары Кудайбергенов көчөсү, 81а дарегинде жайгашкан турак-жайды сатуу боюнча ачык аукцион жарыялайт.


Компаниянын расмий сайтында маалымдалгандай, сатуу 2021-жылы 24-декабрда саат 11:00дө өтөт. Алдын ала аукцион өткөрүлүүчү жер – Бишкек шаары, Токтогул көчөсү 228.


“Мамлекеттик ипотекалык компания президент белек кылган үйдү сатыкка койду. Түшкөн акча-каражатка даяр батирлер сатып алынат. Батирлер “Менин үйүм 2021-2026” турак жай програмасынын катышуучуларына “кийин сатып алуу” механизми боюнча ижарага берилет”, – деп айтылат маалыматта.
Турак-жайдын баштапкы баасы 33 млн 700 миң сом.


Эскерте кетсек, 30-сентябрда КР президенти Садыр Жапаров өзү жашап келген турак жайдын документтерин «Мамлекеттик ипотекалык компания» ААК башкармалыгынын төрагасы Аида Төлөгөновага бекер негизде тапшырган.

Ал «Менин үйүм 2021-2026» жаңы мамлекеттик турак-жай программасынын алкагында «МИК» ААКсына муктаж болгондорду турак-жай менен камсыздоого жардам берүүнү каалай турганын билдирди.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.