Кыргызстан “Центерра” компаниясын сотко берди

Кыргызстан канадалык “Центерра Голд Инк” компаниясын “Кумтөр голд” ишканасынын кызматкерлеринин укуктары бузулган деген негизде сотко берди. Бул маалыматты “Кумтөрдүн” басма сөз кызматы “Азаттыкка” ырастады.

Доо арызда Центерра 2021-жылдын май айында Кыргызстан “Кумтөр голд” ишканасына тышкы башкаруу киргизердин алдында компьютерлерге кирүүгө бөгөт койгону айтылат. Кыргыз тарап “Центерра Голд Инктин” аракеттери компаниянын кызматкерлеринин укуктарын жана коопсуздугун одоно бузган деп баалаган.

Жазында “Кумтөрдүн” тышкы менеджери болуп дайындалган Тенгиз Бөлтүрүк ишканадагы коопсуздук, мониторинг жана операциялык системалар өчүрүлгөнүн жарыялаган. Бирок, ал кыйынчылыктар көп өтпөй жоюлганын билдирген.

Кыргызстан Кумтөр алтын кенине ушул жылдын май айында тыштан башкаруу киргизип, көзөмөлдү толугу менен өз колуна алган.

Кенди иштетип келген канадалык “Центерра Голд Инк” компаниясы менен эл аралык арбитражда сот уланууда.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.