Хакасия мамлекети Кыргызстанга баасы 2 млн рублга жакын гумжардам жөнөттү

Хакасия өлкөсү Кыргызстанга гуманитардык жардам көрсөттү. Бул тууралуу “Пульс Хакасии” маалымдады.

Белгилүү болгондой, өлчөмү 1 жарым тоннадан ашык жардамдын баасы 1 млн 760 миң рублды түзөт.

“Коронавирус Кыргызстанды оор абалга кептеди, ошондуктан биз жардам көрсөтүүнү чечип, ыктыярчыларды колдоо максатында каражат котордук. Гумжардамдын курамында: беткап, кол кап, хлоргексидин, парацетамол, бромгексин, амоксициллин, кагоцел, жана башка медициналык препараттар бар”,-деген “Антоневич жана анын өнөктөштөрүнүн юридикалык бюросунун” жетекчиси Михаил Антоневич.

2016-жылы Бишкекте “Антоневич жана анын өнөктөштөрүнүн юридикалык бюросу” жана Кыргызстандын инвестициясын коргоо жана өнүктүрүү агенттигинин ортосунда кызматташуу меморандумуна кол коюлган. Келишимдин башкы максаты- экспорттоону инвестициялоо жана өнүктүрүүнү эки тараптан тең колдоого алуу болгон.

 

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген