Эверест чокусу дээрлик 90 сантиметрге бийиктеди

Дүйнөдөгү эң чоң чоку — Эверест дээрлик 90 сантиметрге бийиктеди. Жаңы ченемди Непал менен Кытай жарыялады. Тоо аталган эки өлкөнүн чек арасында жайгашкан. Эми чокунун бийиктиги 8848 метр 86 сантиметрди түзөт.

Буга чейин Эвересттин бийиктиги расмий түрдө 8848 метр деп эсептелип келген. Мындай баа 1950-жылы Индия жүргүзгөн өлчөмдөргө негизделген.

Эверест боюнча маалыматтарды жаңылоо үчүн адистер эки жолу чокуга чыгышып, бир нече жыл бою тактоо иретинде ченемдерди жана эсептерди жүргүзүшкөн. Геологдордун айтымында, тоонун бийиктиги тектоникикалык плиталардын жылышышы жана маал-маалы менен болуп турган жер титирөөлөргө байланыштуу өзгөрүп турат.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.