Бишкек-Ош жолунда унаа оодарылып, 2 тонна солярка төгүлүп калды

Бишкек-Ош  жолунда күйүүчү май ташычуу унаа оодарылып кетти. Бул тууралуу ӨКМдин басма сөз кызматы кабарлады.

Кечээ, 16-январда саат 14:29да Жалал-Абад-облусунун Кара-Көл шаарында ( Бишкек-Ош унаа жолунун 386-чакырымында) “DAF” үлгүсүндөгү  күйүүчү май ташычуу унаа (бензовоз) жолдон чыгып, оодарылып кеткен.

Унаанын ичинде болжол менен 37 тонна солярка болуп, анын ичинен 2 тоннасы төгүлгөн. Жабыркагандар болгон эмес.

Окуя болгон жерде КР ӨКМнин Кара-Көл шаардык №94 өрт-куткаруу бөлүмүнүн куткаруучулары тартылган.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген