Акжол Махмудов финалга чыкты

Бүгүн Токио олимпиадасында грек-рим күрөшү боюнча 77 килограммга чейинки салмак ченинде күрөшкөн Акжол Махмудов армян балбанын жеңип финалга чыкты.

Эки жеңиштен кийин Акжол Махмудов жарым финалда Армениянын балбаны Карапет Чалян менен жолугушту. Беттешүүнү 6-2 эсебинде утуп алгандан кийин Токиодогу Олимпиада оюндарынын финалына чыкты.

Ошентип, Кыргызстандын тарыхында экинчи жолу грек-рим күрөшчүсү Олимпиада оюндарынын финалына чыкты. Ага чейин Бээжин олимпиадасынын күмүш байге ээси Канат Бегалиев чыккан.

Алтын үчүн күрөш эртең, 3 -августта өтөт. Акжол Махмудовдун атаандашы венгриялык балбан Тамаш Лоринц болот.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.