Аэропорт башкармалыгынын мурдагы төрагасы Эмир Чукуевдин тарапташтары аны бошотууну талап кылууда

Бишкектеги Ленин райондук сотунун имаратынын алдында “Манас” аэропортунун башкармалыгынын мурдагы төрагасы Эмир Чукуевдин тарапташтарынын акциясы өтүп жатат.

Алар Чукуев таза иштегенин, негизсиз камалганын айтып, аны абактан бошотуп, эркиндикке чыгарууну талап кылышууда.

Анын жакындары абакта отурган Чукуевдин ден соолугу начарлап кеткендиктен, жок дегенде үй камагына чыгышы керек деген талап коюп турушат.

Чукуев 9-февралда Түркиянын «Gata havayollari ve tasimacilik» компаниясына эл аралык жүк ташуу боюнча жеңилдикти мыйзамсыз берген жана ошонун айынан мамлекетке өзгөчө ири өлчөмдө зыян келтирген деп кармалган.

Ленин райондук сотунун 8-февралдагы чечими менен ал 6-апрелге чейин Бишкектеги №1 тергөө абагына камакка алынган.

Эмир Чукуев “Манас” аэропортунун башкармалыгын 2015-жылдан 2018-жылга чейин жетектеген.

Пикир калтыруу

Сиздин E-mail дарек жарыяланбайт! Керектүү талаалар жылдызча менен белгиленген

This site uses Akismet to reduce spam. Learn how your comment data is processed.